Mostrando entradas con la etiqueta Paderne de Allariz. Mostrar todas las entradas
Mostrando entradas con la etiqueta Paderne de Allariz. Mostrar todas las entradas

domingo, 15 de marzo de 2015

VIII Andaina - Carreira Concello de Paderne



VIII ANDAINA CONCELLO DE PADERNE (OURENSE)

DATA 31/05/2015

Distancia 18 Qm aproximadamente

Saida 09:30 horas dende a Casa do Concello de Paderne de Allariz no lugar de Rioseco, nº 7 (32111)-Paderne-Ourense

Inscripción: 5 € a ingresar na conta da A. Mulleres Rurais de Solveira ES23/2080/0443/4330/4000/2445 en ABANCA, indicando a proba, nome e apelidos, dni.

Data inscripción dende o 04 de maio ata o 28 de maio de 2015 ou ata completar un máximo de 300 inscritos entre as dúas probas

E preciso enviar xustificante do ingreso via FAX o número 988293025 ou por e-mail: paderne@concellodepaderne.net ou entregalo persoalmente nas oficinas municipais

Deberán personarse media hora antes da proba

VIII CARREIRA CONCELLO DE PADERNE (OURENSE)

DATA 31/05/2015

Distancia 10 Qm aproximadamente

Saida 10:30 horas dende a Casa do Concello de Paderne de Allariz no lugar de Rioseco, nº 7 (32111)-Paderne-Ourense

Inscripción: 5 € a ingresar na conta da A. Mulleres Rurais de Solveira ES23/2080/0443/4330/4000/2445 en ABANCA, indicando a proba, nome e apelidos, dni, data nacemento.

Data inscripción dende o 04 de maio ata o 28 de maio de 2015 ou ata completar un máximo de 300 inscritos entre as dúas probas.

E preciso enviar xustificante do ingreso via FAX o número 988293025 ou por e-mail: paderne@concellodepaderne.net ou entregalo persoalmente nas oficinas municipais

Os dorsais entregaranse media hora antes da proba

miércoles, 9 de abril de 2014

VII Andaina - Carreira Concello de Paderne

Nome da Proba: VII Andaina - Carreira Concello de Paderne (Paderne de Allariz)
Organiza: Asociación de Mulleres Rurais de Solbeira e Concello de Paderne de Allariz.
Data: 11 de maio de 2014.
Distancia do percorrido: Andaina: 19 Qm. Carreira: 14Qm.       
Modalidades: Andaina e carreira.
Información:  No Concello de Paderne de Allariz, teléfono 988293000.
Inscrición: A inscrición poderá realizarse pagando previamente a cuota de 5 € na conta da Asociación de Mulleres Rurais de Solbeira en Novagalicia Banco, S.A. ES23/2080/0443/43/3040002445. Deberán remitir o xustificante do ingreso xunto cos datos persoais (nome e apelidos, DNI, dirección, telefono de contacto e a proba na que se inscriben (Andaina ou Carreira), e os participantes na carreira deberán indicar ademáis a data de nacemento) do seguinte xeito: Nas oficinas municipais do Concello de Paderne (Lg. Rioseco, 7, 32111 Paderne de Allariz- Ourense), por FAX o nº 988293025 ou por mail a paderne@concellodepaderne.net . Dita inscrición rematará o venres 2 de maio ás 14:00 horas.






Perfil da Andaina Paderne de Allariz 2014

Perfil Carreira Paderne de Allariz 2014

lunes, 25 de marzo de 2013

VI Andaina Carreira Concello de Paderne 2013


O vindeiro domingo 05 de Maio de 2013, o Concello de Paderne organiza a  VI Andaina – Carreira Concello Paderne de Allariz "Paderne encanto natural”.

A saída, como en anos anteriores, realizarase desde praza da Casa do Concello, situada en Rioseco nº 7, iniciando a ruta os camiñantes as 9:30 e os corredores a partir das 10:30 horas.

O percorrido, na edición do 2013, constara de 24 quilómetros para a Andaina e de 17 quilómetros para a carreira.

Todos/as aqueles que queiran participar, deberán inscribirse no teléfono 988 29 30 00 (Concello), antes do venres, 26 de abril de 2013, as 14:00 horas.

Como o ano pasado hai que facer un ingreso de 5 €, como cota de inscrición, na conta da Asoc. Mulleres Rurais de Solbeira: 2080 0443 43 3040002445 (Novagalicia Banco).

Unha vez feito o ingreso, deberase remitir o xustificante ao fax 988 29 30 25, ou entregalo no concello, incluíndo os datos persoais e a proba na que se inscriben. Os/as participantes na carreira deben indicar a data de nacemento.

Ó remate das probas, todos/as participantes están convidados a un aperitivo e ao sorteo de agasallos.


Perfil Andaina Paderne de Allariz 2013

Perfil Carreira Paderne de Allariz 2013

sábado, 23 de marzo de 2013

Festa da Pascua - Figueiroá 2013


O vindeiro domingo día 31 de marzo de 2013, celébranse na parroquia de Figueiroá, coma xa é tradicional, a festa de a Pascua.
Como anos anteriores, e a pesar de que faga sol ou chova, a partir das 12:30 realizarase a procesión co encontro dende a capela de Santa Bárbara ata a igrexa de San Xulián.

Ao remate da procesión e pola tarde haberá festa cunha orquestra.

Estades tod@s convidados.

sábado, 2 de junio de 2012

Corpus 2012

Por sexto ano consecutivo, na parroquia de Figueiroá (Paderne de Allariz), celebran o domingo 10 de xuño, a festa do Corpus Christi, ca realización duna alfombra floral.

Podes colaborar na realización desta alfombra, de algunha das seguintes formas:

  • Levando pétalos de flor (separando en bolsas, as distintas cores), á Igrexa de San Xulián de Figueiroá o sábado 9 de xuño, á ultima hora da tarde. Aconsellamos que se collan os pétalos esa mesma tarde, para que se conserven mellor.
  • Tamén é de gran utilidade o céspede. Os que o corten ese día agradecémoslle que nolo traian.
  • Acudindo a confeccionar as alfombras florais o domingo 10 de xuño dende primeira hora da mañá.

domingo, 22 de abril de 2012

V Andaina – Carreira Concello Paderne de Allariz



Cartel da V Andaina - Carreira Paderne de Allariz
O vindeiro domingo 13 de Maio de 2012, o Concello de Paderne organiza a  V Andaina – Carreira Concello Paderne de Allariz "Paderne encanto natural”.
A saída, como en anos anteriores, realizarase desde praza da Casa do Concello, situada en Rioseco nº 7, iniciando a ruta os camiñantes as 9:30 e os corredores a partir das 10:30 horas.


O percorrido, na edición do 2012, constara de 22 quilómetros para a Andaina e de 16 quilómetros para a carreira.


Todos/as aqueles que queiran participar, deberán inscribirse no teléfono 988 29 30 00 (Concello), antes do 7 de Maio as 14:00 horas.

Como novidade, este ano hai que facer un ingreso de 5 €, como cota de inscrición, na conta da Asoc. Mulleres Rurais de Solveira: 2080 0443 43 3040002445 (Novagalicia Banco).

Percorrido da Andaina (Verde) e carreira (Vermello)
Unha vez feito o ingreso, deberase remitir o xustificante ao fax 988 29 30 25, ou entregalo no concello, incluíndo os datos persoais e a proba na que se inscriben. Os/as participantes na carreira deben indicar a data de nacemento.
Ó remate das probas, todos/as participantes están convidados a un aperitivo e ao sorteo de agasallos.

martes, 31 de enero de 2012

Entroido Paderne de Allariz 2012

O Concello de Paderne de Allariz organiza para o vindeiro sábado 18 de Febreiro de 2012 o desfile de carnaval. Celébrase como outros anos na plaza do Concello a a partir das 17 horas.

Como sempre, os veciños de A Torre estarán alí presentes, e a disfrutar!!!

viernes, 25 de noviembre de 2011

Magosto 2011


Magosto que se celebrou o pasado día 20 de novembro no local da Asociación de Veciños de San Xillao de Figueiroá e no que participou a maior parte da xente moza do pobo.

lunes, 17 de octubre de 2011

Paderne de Allariz: lume e fume


Paderne de Allariz non se libra do “atentado ecolóxico” que sufriu toda a provincia de Ourense, durante este último fin de semana. Isto é o que conta os medios de comunicación sobre o sucedido:

Incendio en Paderne de Allariz. Foto publicada no xornal "La Región"
Sábado 15 de Outubro: En Paderne de Allariz permanece activo un incendio iniciado ás 18.30 horas do venres, que queimou máis de 20 hectáreas. 
Catro novos incendios forestais cuxa afección supera as 20 hectáreas atópanse activos nesta xornada do sábado en Galicia. Localizados nas localidades ourensás de Paderne de Allariz e Esgos, en Monterroso (Lugo) e na parroquia de Campañó (Pontevedra), afectan en total a máis de 110 hectáreas. 
En Paderne de Allariz, na parroquia de Cantoña, as chamas declaráronse ás 16.30 horas do venres e, segundo as primeiras estimacións provisionais, a súa afección sitúase ao redor das 20 hectáreas. No operativo de extinción traballan un axente forestal, unha brigada, un Grumir, tres motobombas, un avión e un dispositivo da Unidade de Urxencia Militar (UME). 
Domingo 16 de Outubro: A cidade de Ourense viviu onte unha segunda xornada de aire irrespirable, pola acumulación de fume dos incendios de Paderne de Allariz, Baños de Molgas, Maceda e A Peroxa. 
Diario El País (17/10/2011): A provincia de Ourense é lume e fume. Desde o venres pasado non hai máis vista que as chamas e a néboa chuspindo cinza. Onte sucedéronse incendios sobre as mesmas zonas protexidas que os días pasados: o Macizo Central e o Parque Natural do Xurés, que ten xa unha fronte de varios quilómetros de chamas. Pero, ademais, o lume cebouse coas Veigas de Ponteliñares, en Rairiz de Veiga, zona incluída en Rede Natura e ZEPA (de especial protección para as aves), coa leira do albergue ambiental de Vilar de Barrio e cos montes de Cabeza de Meda e a Serra de San Mamede. O rosario incendiario estendeuse por case toda a provincia. Houbo lumes en Castrelo de Miño, Avión, Melón, O Carballiño, San Cristobo de Cea, Paderne de Allariz (con máis de 200 hectáreas queimadas), Pereiro de Aguiar (arderon 30 hectáreas de arboledo), Quins, Maceda, Baños de Molgas, Montederramo, Laza, Riós, Gomesende, Viana do Bolo, O Bolo e A Peroxa. Neste municipio foi necesario evacuar varios pobos. 
Coa metade das brigadas da Xunta despedidas no arranque de setembro e boa parte do parque móbil contraincendios descansando nun solar, sen persoal que o manexe, o Exército despregou a 367 soldados na provincia. 


miércoles, 29 de junio de 2011

Alfombras florais 2011

A festividade de Corpus Christi lévase a cabo o seguinte
xoves ao oitavo domingo despois do Domingo de Resurrección (é dicir, 60 días despois do Domingo de Resurrección; formalmente é o xoves que segue ao noveno domingo seguinte á primeira lúa chea de primavera do hemisferio norte), aínda que onde non é precepto, se traslada ao domingo seguinte.

Con motivo desta celebración, o pasado domingo día 26 de xuño, os veciños de a Parroquia de San Xillao de Figueiroá (Paderne de Allariz) elaboraron unhas alfombras florais diante da igrexa parroquial e celebraron a tradicional procesión ata a capela de Santa Bárbara.

Ver fotos (Tomadas por Ana Tesouro)

sábado, 25 de junio de 2011

VI Xuntanza de Asociacións

VI Xuntanza de Asociacións Veciñais do Concello de Paderne de Allariz, a celebrar o vindeiro día 16 de xullo, con cea e posterior festa, no campo da feira a partir das 22:00 horas.

Data tope para recoller as entradas o día 13 de xullo.

viernes, 17 de junio de 2011

Figueiroá: Corpus 2011



Alfombras Florais Parroquia de Figueiroá: O próximo domingo 26 de xuño, a partir da primeira hora da maña, elaboraranse, por sexto ano consecutivo as alfombras florais na igrexa de San Xillao de Figueiroá.
Agradecese a colaboración de tódolos veciños, aportando material para a súa preparación e animase a que participen na súa confección o domingo a primeira hora da maña.

domingo, 29 de mayo de 2011

Moteir@s por Paderne

Na mañá do día 28 de maio, os participantes da IX Concentración Internacional de Motos "As Burgas", organizada por A.C. Torques Ourense, fixerón unha ruta ata Paderne para asistir a unha exibición no centro ecuestre Vila de Paderne.

domingo, 8 de mayo de 2011

300 persoas participaron na IV Andaina e Carreira organizada polo Concello de Paderne de Allariz

Un ano máis o Concello de Paderne de Allariz organizou a IV Andaina-Carreira de Paderne. E un a no máis, para non perder costume, nos atopamos cunhas paisaxes moi fermosas, pero cos camiños completamente embarrados por mor da choiva caída nos últimos días e incluso media hora antes do comezo da proba.

Como nos anos anteriores o punto de saída e chegada estaba situado na Praza Luís Carlos Seara, a carón da casa do concello, partindo as persoas que participaban na andaina as 9:30 horas e os corredores unha hora máis tarde. A estas horas xuntáronse na liña de saída preto de 200 persoas para participar na andaina de 20 quilómetros e 90 corredores para a carreira que percorría unha distancia de 12 quilómetros.

Entre as novidades deste ano , atopamos que o percorrido da andaina e a carreira transcorrían por diferentes camiños, ascendendo o trazado da andaina ata o monte Falbán situado a 820 metros de altitude e no caso da carreira ata o monte do Castro situado a 650 metros.
No caso da andaina, e tras un forte chaparrón que nos caeu cando faltaban 20 minutos para comezar, o resto da maña o tempo acompañou para o transcorrer da proba, sen que chovera durante o transcurso da mesma.


Como xa comentamos, o traxecto estaba bastante embarrado, pero sen embargo trascorreu por varios camiños moi ben acondicionados para a realización de este tipo de eventos. A primeira parte tiña pouco desnivel, ata que nos atopamos cun grupo de muíños cunha pequena fervenza en Riobodas. Tras deixar atrás San Xes e Eirabedra, comezamos a subida ao monte Falbán, que comezou a complicarse entre os quilómetros 8 e 11, onde apareceron as costas con mais desnivel do traxecto. Desde o alto de Falbán e tras deternos a contemplar por completo o Val da Rabeda, e tomar algo de aire, continuamos dirección a Mourisco e Saa, cruzando posteriormente a estrada OU-101. Tras subir o ultimo repeito chegamos a Taboadela para descender ata a capela da Santa Bárbara (Figueiroá) e poder ver os pobos de Caxamonde, O Pazo e A Torre. Desde este punto todo baixada ata chegar de novo a casa do concello.

Ao remate da Andaina entregáronse os trofeos aos primeiros clasificados da carreira, e sorteáronse regalos entre todos os participantes.

miércoles, 27 de abril de 2011

Figueiroá 2011


O pasado domingo día 24, celebróuse na parroquia de Figueiroá a festa de a Pascua.

Como anos anteriores levouse a cabo a procesión co encontro dende a capela de Santa Bárbara ata a igrexa de San Xulián.


martes, 22 de marzo de 2011

IV Andaina Paderne de Allariz


O Concello de Paderne de Allariz organiza a IV andaina e IV Carreira, que terá lugar o domingo día 8 de maio de 2011.

IV Carreira- 12 Qm de percorrido a hora de saída as 10:30h. Puntuable para circuitos de carreiras de “Correr en Galicia”
IV Andaina – 20 Qm de percorrido, hora de saída as 9:30h.

Tanto a saída como a meta estarán situadas ao carón da Praza do Concello, sita no punto quilométrico 13 da estrada OU -101 (Ourense-Maceda) no lugar de Rioseco.

Inscripción gratuita: A través do telf. do Concello de Paderne de Allariz: Tel.: 988 29 30 00 Fax.: 988 29 30 25
Número máximo de inscripcións: 300
Data límite de inscripción: 2 de maio de 2011.

domingo, 20 de marzo de 2011

A superlúa de Paderne


Trátase dun fenómeno inusual que entusiasmou aos astrónomos e aos afeccionados á observación da bóveda celeste en todo o mundo. A superlúa, que se produce cando coinciden a lúa chea e o momento de maior proximidade do satélite á Terra, provocou nalgunhas zonas da costa galega as maiores mareas que se recordan en dezaoito anos, que chegaron a deixar varadas sobre a area a moitas embarcacións amarradas.

Os cambios cíclicos no nivel do mar prodúcense como consecuencia da atracción gravitatoria que exercen a Lúa e o Sol sobre a Terra, e as mareas máis vivas ocasiónanse cando os tres astros están aliñados. Iso sucede en lúa chea, que se produce cando a Terra está entre o seu satélite e a estrela, aínda que é moi raro que ese fenómeno coincida co perixeo, o momento de maior proximidade lunar e, polo tanto, o de maior atracción. De feito, a última superlúa foi en 1993, e non haberá outra ata o 2016
[La Voz de Galicia].

A foto amosa a lúa que se podía ver onte a noite no ceo de Ourense, a través dunha ollada dende a nosa fiestra.

martes, 1 de febrero de 2011

Recuperación da capela de Santa Bárbara

A Consellería de Cultura investiu nesta obra máis de 50.000 euros.

As obras, que remataron en catro meses, consistiron na reconstrución do teito por dentro e por fóra e a limpeza e encintado da pedra da capela de Santa Bárbara, situada na parroquia de San Xillao de Figueiroá no Concello de Paderne de Allariz e ás que se destinaron dende máis de 50 mil euros.

«A idea desta recuperación é a de pór en valor ou patrimonio cultural, histórico e relixioso dá provincia non só como medio para contribuír a potenciar o turismo cultural senón pola necesidade de preservar este valioso legado para ás xeracións futuras», explicou o delegado da Xunta.

Este estivo acompañado na súa visita polo alcalde de Paderne, Xosé Manuel Fernández, e por varios veciños da parroquia onde se celebra cada 4 de decembro a romaría tradicional na que a capela de Santa Bárbara é a protagonista. Tamén se realizarón obras na igrexa de San Salvador de Mourisco de estilo barroco -onde se recuperaron varios retablos-, no conxunto de hórreos de Vilameá e no Peto dás Ánimas de Saá.

Slider